ماتعودت اخاف من قبلك
الامعاك حسيت بالخوف
اعمل ايه ما القسمه اختارت
وكل الناس حاكمها ظروف
عارف وين خطواتك ماشه
واخرى معاك مامعروف
ياما كتير فكرت اصارحك
واستنيتك تبدا السيره
لا اتكلمته ولا لمحته
ولا بينته الريده مصيره
والحنيه الكنت بديته
هسه بقيت بتشوفها كتيره
وزى خليتنى اشك فى ريدتى
وخفت تكون مشقول بى غيره
انا قبلك ماتحيرت جيت
وريتنى دروب للحيره
والله عشانك ياما صبرته
لما الصبر فتر من صبرى
ولما نسيت الدنيا وحاتك
من اعمارنا سنينا بتجرى
لا اتلومته معاك لالمتك
وقلت براك بتحس بى قدرى
وقلته عليك بكره بتتغير
والقى فى ريدتك فرحة عمرى
الا لقيتك لسع تايه
فى دنياك ومتوه امرى
كم حاولت اعاند زيك
واقسى عليك فى كلمه شويه
الا وحاتك غصبا عنى
قبل عنادى تجى الحنيه
دربا سرمعاك بى قلبى
منو بلاك متبقى الحيه
مافارقته فى يوم زكراك
وانا زكراى عندك منسيه
انا مجبور استنى رضاك
وانت اريتك ترضى على
الأربعاء أغسطس 03, 2011 7:26 pm من طرف زائر
